الاسفنج البلدي

الاسفنج البلدي

مقادير العجين

نصف كيلو فورص + 250 غ دقيق القمح + ملح + ملعقة صغيرة خميرة الحلوة + ملعقة صغيرة سكر + ملعقة صغيرة خميرة الخبز + ماء لجمع العجين

الطريقة

كنجمع العجين وندلكها مزيان ونبقى نضيف لها الماء وأنا كنعجن فيها باليدين ( الكعاب) حتى نحصل على عجين مرخوف ونخليه يخمر وفي المقلاة نعمل الزيت الكافي ونخليه يسخن ونبدا نهز من العجين ونفتحها من الوسط بالاصابع ونرميها فالزيت ونقلبها من الجهتين ويقدم بالصحة والراحة

انتضري قليلا و ضعي تعليق هنا :

تابع القراءة

فقاص صغير بزريعة الكتان

فقاص صغير بزريعة الكتان

المقادير

بيضة + ملعقتان كبيرتان من الماء + ملعقتان صغيرتان من زريعة الكتان مطحونة + قبصة ملح + 100 غ زبدة لينة + 200 غ من الطحين

الطريقة

كنخلط الطحين مع الزبدة حتى يترملو ونضيف الملح وبيضة والماء ونضيف زريعة الكتان للعجين حتى نحصل على عجين منساجم ونغطيه ببلاستيك ويدخل الثلاجة نصف ساعة ونخرج العجين من الثلاجة ونصنع حريبلات رقاق ونقطع قطع صغيرة وندخلها الفرن حتى ينضج

 

بالصحة و الراحة

 

 

 

 

المصدر

انتضري قليلا و ضعي تعليق هنا :

تابع القراءة

كعب غزال

كعب غزال

مقادير العجين

زلافة طحين (فورص) + نصف كاس زبدة مذوبة + أصفر بيضة + ملعقة صغير سكر صقيل + ماء الزهر للعجن

كنعجن العجين وندلكها تكون قاصحة شوية

العقدة

نصف كيلو لوز مصلوق ومقشر + 250 غ سكر سنيدة + 3 معالق زبدة مذوبة + 3 معالق ماء الزهر + المسكة الحرة مدقوقة

الطريقة

كنطحن اللوز مرة أولى ومن بعد نطحن معاه السكر حتى يتعلك ونضيف الزبدة وماء الزهر والمسكة وندلك الخليط مزيان ونصنع كويرات ونبسط العجين ونخرجها من الوراقة تكون رقيقة وندهنها بالزبدة ونوضع كويرة ونعطيها شكل كعبة وأنا كنضغط عليها بالاصابع ونقطع العجين بالجرارة وندهن الكعبة بالزبدة ونغطيها ونخليها تبات في الصباح نثقبها بالابرة وندهنهم ببياض البيض وندخلها الفرن

 

 

 

المصدر

انتضري قليلا و ضعي تعليق هنا :

تابع القراءة

صابلي بالشكلاط وكاوكاو

صابلي بالشكلاط وكاوكاو

المقادير

كاس سنيدة + كاس ماعامرش زيت + قشرة حامضة محكوكة + خمارة + 3 بيضات + الطحين حسب الخليط

التزيين

بياض البيض + شكلاط اسود + كاوكاو محمر ومهرمش

الطريقة

كنخلط البيض مع سنيدة مزيان ونزيد المقادير المتبقية ونخليها ترتاح شوية ونسرحها ونقطعها بطابع دائري مشنف وندير نصف البسكوي في بياض البيض وكاوكاو محمر ومهرمش وندخلها اطيب وملي يطيب ندير له الشكلاط الاسود مدوب في النصف المتبقي

 

 

 

المصدر

انتضري قليلا و ضعي تعليق هنا :

تابع القراءة

حلوة الكركاعة باللوز

حلوة الكركاعة باللوز

مقادير العجين

زلافة طحين + ملعقة كبيرة زبدة + 2 معالق ماء الزهر + الماء الدافئ

كنعجن العجين ونخليها ترتاح

الحشوة

كاس سكر + 300 غ لوز مصلوق ومطحون + مسكة حرة + القرفة + ماء الزهر + 2 معالق زبدة

اللوز كيتطحن بوحدو ومن بعد يتطحن مع السكر ويتخلط مع المكونات الاخرى وكنحصل على عقدة ونشكل منها كويرات

الطريقة

كنطلق العجين في الالة ديال السباكيتي ومن بعد نخرجها على شكل خيوط ونلف الخيوط على كرة اللوز ونغطي اللوز مزيان بالخيوط ونقليها فالزيت ونطفيها فالعسل

 

بالصحة و الراحة

المصدر

انتضري قليلا و ضعي تعليق هنا :

تابع القراءة

بتي بان بطريقة المسمن

petit pain 

بطريقة المسمن بالصور

بتي بان بطريقة المسمن

مقادير و طريقة تحضير بتي بان بطريقة المسمن

مقادير البتي بان

الدقيق 500 غ

ملعقة كبيرة خميرة الخبز

خمس ملاعق كبيرة سكر

ملعقتان كبيرتان من الزبدة ذايبة

بيضة

كيس من الفاني

ملح

ماء دافئ للعجن

للتوريق 

زبدة ذايبة

للحشو

شكلاط 

كريم باتيسيير اختياري

طريقة تحضير بتي بان بطريقة المسمن

انخلطو جميع المكونات بالماء حتى نحصل على عجين متماسك وتكون شوية قاصحة حيت كترخف مع الدليك + الحال سخون

ثم كانقسموها من 9حتى 10 كويرات وانخليوهم يترخفوغير شوية

ثم نشكلهم مثل المسمن وقبل مانطويو كندهنو بالزبدة

نكرصوها بحال إلا بغينا نطيبوها يعني تكون رقيقة

و نقسموها على زوج نحشيوها بالشكلاط و كريم باتسيير

و نلفوها على نفسها

 نستفوها فلاطة و نخليوها تخمر من 30 الى 45 دقيقة ثم ندهنوها باصفر البيض المخلط مع القليل من نسكافي المذابة في ملعقة من الماء

ندخلوها للفران المسخن على 190 درجة

و بالصحة و الراحة

 

 

 

المصدر

انتضري قليلا و ضعي تعليق هنا :

تابع القراءة

البطبوط بمذاق البنيي

البطبوط بمذاق البنيي بالخطوات المصورة

مقادير و طريقة تحضير البطبوط بمذاق البنيي بالخطوات المصورة

كيلو دقيق

 بيضة

كاس سنيدة

كيس فاني

ملح

خميرة الخبز على حسب الجو

الزبدة 50 غ

الماء دافي للعجن

طريقة تحضير البطبوط بمذاق البنيي

نعجنو الكل بحال البطبوط تكون العجينة رطبة وندلكها مزيااااااااااان

 ونخليها تخمر

 تم نعملها كويرات ونخليهم يطوعو شوية تم نكرصهم بالدقيق

 ونخليهم يخمرو مرة تانية 

ندير شوية زيت في المقلة التقيلة ماش بزااااف غير شوية وندير البطبوط تكون البوطة متوسطة ونخليه حتى يتحمر من الجهات بزوج 

وليك الاختيار بغيتي تحطيه مع العسل 

تفنديه في السنيدة 

تفتحيه وتعمريه بالكوفتير 

كلهم كيجيو غزااااااااااالين

و بالصحة و الراحة

المصدر

انتضري قليلا و ضعي تعليق هنا :

تابع القراءة

المشنيخة

المشنيخة

المقادير

 كاس حليب سائل + كاس زبدة مذوبة + بيضة + ساشي فاني + الطحين حسب الخليط

 (الكاس باش عبرت ديال العنبة)

الطريقة

كنخلط الحليب والزبدة والبيض وفاني مزيان ونضيف الطحين حسب الخليط وتكون العجينة قاصحة شوية وندير منها كريصات ونطلقهم بالدلاك وندير شريط من العجين في الة السباكيتي ونقرص الجوانب للخيوط باش تعطيني شكل مشنيخة ونقليها فالزيت ونطفيها فالعسل

 

 

بالصحة و الراحة 

المصدر

انتضري قليلا و ضعي تعليق هنا :

تابع القراءة

طريقة تحضير البغرير المغربي

طريقة تحضير البغرير
كيفية صنع البغرير

البغرير من المعجنات الرائعة التي تقدم سواء في شهر رمضان أو غير
و كذا للضيوف

و يسقى البغرير بالزبدة الدائبة و العسل كما أن البغرير يمتاز بمذاقه الرائع و المتميز
و يسمى البغرير كذلك بالألف ثقب لكون نجاح البغرير بأثقابه الكثيرة
اترككم مع مقادير و طريقة تحضير البغرير تلبية لطلب الأخت وئام التي اشترطت ألا تكون المقادير بالغرام

مقادير عجين البغرير:
250 غرام دقيق

250 غرام سميد رقيق
بيضة واحدة
2 أكياس خميرة كيماوية
ملعقة صغيرة خميرة الخبز

 قليل من الملح

كأس كبير ماء دافئ

طريقة تحضيرالبغرير:
1- يخلط الدقيق و السميد ثم يضاف إليهما الخميرة الكيماوية و خميرة الخبز و البيضة و الملح. ثم يعجن الكل بكأس الماء الدافئ ويمزج الكل في الخلاط الكهربائي حتى الحصول على عجينة سائلةتم نتركه يخمر لمدة نصف ساعة في مكان دافئ و نغطيه .نسخن مقلاة و يجب ان تكون هذه المقلاة لم نسبق ان و ضعنا بها الزيت لان ذلك سوف يؤثر على البغرير و لن نحصل على تلك الثقيبات الصغيرة و تكون من نوع تيفال و خاصة بالبغرير نقم بيتسخين المقلاة و نسكب كمية قليلة بداخلها و نتركها تطهى لا ياخد و قتا كتيرا في الطهي





ويسقى بالزبدة و العسل

 

 

 

 

المصدر

انتضري قليلا و ضعي تعليق هنا :

تابع القراءة

كرواصة مقلية خطوة خطوة

موقع halawiyati يقدم كرواصة مقلية بالخطوات المصورة

كرواصة مقلية بالخطوات المصورة

مقادير و طريقة تحضير كرواصة مقلية بالخطوات المصورة

مقادير كرواصة

زوج كيسان كبار دقيق او تقريبا ما يعادل 300الى 350غ دقيق

بيضة

رشة ملح

معلقة كبيرة سنيدة

معلقة خميرة الخبز

ثلاث ملاعق زبدة 

قشرة محكوكة د نصف برتقالة و ممكن تعوضوه بقشرة نصف حامضة 

حليب من ربع لنصف كاس حسب الدقيق

طريقة تحضير كرواصة مقلية

كنعملوا الخميرة مع رشة سكر و ملعقتين حليب دافي فكاس و نخليوها ربع ساعة تخمر و تطلع

نخلطوا باقي المقادير الناشفة

و نزيدو البيضة و الخميرة بعد ما خمرات و الزبدة من بعد ما دوبناها و نخلطو مزيان

و نزيدوا الحليب دافي شوية شوية حتى نحصلوا على عجينة لينة و نعجنوها مزيان

و نخليوها تخمر ساعة 

نطلقوها من بعد ساعة شوية و نشكلوها مستطيل

نقسموه على 3

و كل جزء نسرحوه بالمدلك مستطيل طويل

و نشكلو منه مثلثات بحجم صغير

نعملوا شوية شكلاط

و نلويوها على شكل كرواسون

غيكون حجمها صغييييييييير بحجم صباع يديكم

نخليوها نصف ساعة تخمر مرة اخرى

و نقليوها

و بالصحة و الراحة

المصدر

انتضري قليلا و ضعي تعليق هنا :

تابع القراءة

ملوي بطريقة جديدة و سهلة بالصور

موقع حلوياتي لجميع أنواع الشهيوات المغربية  يقدم ملوي بطريقة جديدة و سهلة بالصور

ملوي بطريقة جديدة و سهلة بالصور

مقادير و طريقة تحضير ملوي بطريقة جديدة و سهلة بالصور

مقادير الملوي

يعجن الملوي عادي كما العادة ونقسمه الى كويرات كبيرة قليلا

نحضر خليط لحشو المسمن للحصول على ملوي مورق و يتكون الخليط من سميدة رقيقة او تقدرو تستبدلوه بالدقيق الاصفر ديال القمح وتعجنوه مع الزبدة تكون لينة مزيان تقريبا بحال الا ذايبة وكتضيفو للخليط واحد خميرة دالحلوى وواحد معلقة صغيرة دخميرة الخبز من الافضل الخميرة حبوب ثم كتزيدو الزيت حتى تحصلو على خليط جاري وثقيل فنفس الوقت وكنحرصو نكثرو من الزبدة والزيت كنضيفوها غير باش تجري لينا الخليط شوية و هذا شكله

ملي كنوجد الخليط كنسرح كويرة بالزيت كالعادة ثم كناخدو سكين وكنقطعو اشرطة بالطول العرض ديالها مابين 2 حتى ل3 سنتم الكويرة اللي عندي قسمتها ل6 شرائط وكنبدا كنوزع عليهم خليط السميدة على طولهم

ثم كنلوي الشريط1 وكنديرو فراس الشريط 2 وكنلوي عاود تاني كل ملوية دري فيها 3 الشرائط تقدو تديروهم كاملين باش تحصلو على ملوي كبير وكنظن الصور غادي تشرح ليكم مزيان 

ملي نساليو كنكرصهم ونطيبهوم كيجيو مورقين ورائعين 

و بالصحة و الراحة

انتضري قليلا و ضعي تعليق هنا :

تابع القراءة